🍃بســم الله الرحـمـن الرحــيـم 🍃
*رسول اللہ صلی اللہ علیہ وسلم کا رات میں '' گیارہ رکعات`` سے زیادہ نماز پڑہنا بہی ثابت ہے*
===========================
چند روز قبل ایک مضمون📝 نظر سے گذرا جس میں رسول اللہ صلی اللہ علیہ وسلم کا "گیارہ رکعات" تراویح وتہجد کا ذکر کر کے باقی تمام احادیث کا انکار کیا گیا تہا.
ہم اہل السنة والجماعة اہل حق حتی الامکان تمام احادیث میں تطبیق دینے کی کوشش کرتے ہیں.
اور اہل باطل کسی ایک اپنی پسند کی حدیث کو لے کر باقی احادیث کا انکار کرتے ہیں.
ذیل میں گیارہ رکعات سے زیادہ نماز پڑہنے کی احادیث نقل کرتے ہیں. جس سے معلوم ہوگا کہ غیر مقلدین کا موقف باطل ہے.
حدیث 1)💎 عن عائشة رضى الله عنها قالت : كان رسول الله صلى الله عليه وسلم يصلى بالليل ثلاث عشرة ركعة، ثم يصلى اذا سمع النداء بالصبح ركعتين خفيفتين.
(صحیح بخاری، کتاب التہجد)
ترجمہ: حضرت عائشہ رضی اللہ عنہا فرماتی ہیں کہ رسول اللہ صلی اللہ علیہ وسلم رات میں تیرہ 13 رکعات پڑہتے تہے، پہر آذان کے بعد دو رکعات مختصرا سنت فجر ادا فرماتے.
غیر مقلدین تراویح وتہجد کو ایک نماز مانتے ہیں. اس حدیث سے ثابت ہوا کہ رسول اللہ صلی اللہ علیہ وسلم رات میں گیارہ رکعات سے زیادہ نماز تہجد پڑہتے تہے. غیر مقلدین کا گیارہ رکعات ہی تراویح وتہجد پڑہنے کا مسلک غلط ثابت ہوا.
حدیث 2) 💎عن ابن عباس .....ثم صلی رکعتین، ثم ركعتين، ثم ركعتين، ثم ركعتين، ثم ركعتين، ثم ركعتين ثم اوتر، ثم اضطجع حتى جاءه المؤذن فقام فصلى ركعتين فقام فصلى ركعتين، ثم خرج فصلى الصبح. (صحيح بخارى)
ترجمہ: حضرت عبد اللہ عباس رضی اللہ عنما رسول اللہ صلی اللہ علیہ وسلم کی رات کی نماز بیان فرماتے ہوئے فرماتے ہیں آپ دو دو رکعات چھ 6 مرتبہ پڑھ کر وتر ادا فرمائی پہر سنت فجر ادا فرماکر دو رکعات نماز فجر پڑہائی.
اس حدیث سے معلوم ہوتا ہے کہ رسول اللہ صلی اللہ علیہ وسلم وتر اور سنت فجر کے علاوہ بارہ رکعات تہجد ادا فرماتے تہے.
اس حدیث سے حضور صلی اللہ علیہ وسلم سے رات میں 12 رکعات اور نماز وتر پڑہنا ثابت ہوتا ہے اور گیارہ رکعات سے زیادہ تراویح وتہجد نہ پڑہنے کا دعوی باطل ثابت ہوتاہے. اسلئے کہ ان کے نزدیک دونوں نماز ایک ہے.
حدیث 3)💎 عن عاصم بن ضمرة قال سئل على رضى الله عنه عن صلاة رسول الله صلى الله عليه وسلم قال كان يصلى من الليل ست عشرة ركعة. (مسند احمد اسناده صحيح)
حضرت علی رضی اللہ عنہ فرماتے ہیں کہ رسول اللہ صلی اللہ علیہ وسلم رات میں سولہ 16 رکعات نماز پڑہتے تہے.
اس سے وتر کے علاوہ سولہ 16 رکعات پڑہنا ثابت ہوا اور گیارہ رکعات سے زیادہ تراویح یا تہجد نہ پڑہنے کا دعوی غلط ثابت ہوا.
حدیث 4)💎 عن طاوس قال كان رسول الله صلى الله عليه وسلم يصلى سبع عشرة ركعة من الليل. (الزهد لابن المبارك، مصنف عبد الرزاق، اسناده مرسل صحيح، رجاله رجال الشيخين)
ترجمہ: حضرت طاوس رحمہ اللہ فرماتے ہیں کہ رسول اللہ صلی اللہ علیہ وسلم رات میں سترہ 17 رکعات نماز پڑہتے تہے.
اس حدیث سے بہی گیارہ رکعات سے زیادہ نماز پڑہنا ثابت ہوا اور سلفیوں کا گیارہ رکعات سے زیادہ پڑہنے کو خلاف سنت کہنا،باطل ثابت ہوا.
حدیث 5)💎 عن جابر بن عبد الله رضى الله عنهما ان النبى صلى الله عليه وسلم خرج ليلة فى رمضان فصلى بالناس اربعة وعشرين ركعة. (مخطوطات ابى طاهر اصبهانى، اسناده حسن)
ترجمہ: حضرت جابر بن عبد اللہ رضی اللہ عنہما فرماتے ہیں کہ رسول اللہ صلی اللہ علیہ وسلم رمضان کی ایک رات باہر تشریف لائے اور صحابہ کو چوبیس 24 رکعات نماز پڑہائی.
بعضوں نے چوبیس رکعات سے 4 فرض مراد لیا ہے اور بیس 20 تراویح. اس حدیث سے بہی سلفیوں کا گیارہ ہی رکعات کا دعوی باطل ثابت ہوا.
🌸جمہور علماء اہل سنت والجماعت کا مسلک 20 رکعات تراویح کا ہے اور اسی پر حضرات صحابہ کا عمل رہا ہے. اللہ تعالی ہم سب کو سنت صحیحہ کو سمجہنے اور اس پر عمل کرنے کی توفیق عطا فرمائے آمین_
➖➖➖➖➖➖➖➖➖➖➖
🌴🌴 *اہل السنة والجماعة چینل اداره رضية الابرار بہٹکل، کرناٹک، ہند* 🌴🌴
اہل السنة والجماعة کے عقائد ومسلک جاننے اور اہل السنة والجماعة کی کتابیں پی ڈی ایف حاصل کرنے کے لئے کلک کریں
http://raziyatulabrarbhatkal.blogspot.com
کوئی تبصرے نہیں:
ایک تبصرہ شائع کریں